Katyayani Mata Ki Aarti

Jai Katyayani Mata, Jai Katyayani Mata,
Sukh Srishti Mein Paaye, Jo Tumko Dhyaata.

Jai Katyayani Mata.

Adi Anadi Anamaya, Avichal Avinashi,
Atal Anant Agochar, Aja Anand Rashi.

Jai Katyayani Mata.

Lal Dhwaja Nabh Chumat, Mandir Pe Tere,
Jagmag Jyoti Maa Jagati, Bhakt Rahe Ghere.

Jai Katyayani Mata.

Kesat Chitt Sukh Daayi, Shuddha Brahma Roopa,
Satya Sanatan Sundar, Shakti Swaroopa.

Jai Katyayani Mata.

Dasve Danav Durga, Nana Shashtra Kara,
Ashta Matra Ka Yogini, Nav Nav Roop Dhara.

Jai Katyayani Mata.

Mahishasura Sangharini, Durgun Sabhi Haro,
Dosh Vikar Mitake, Pavan Hame Karo.

Jai Katyayani Mata.

Chhate Navratri Ko Jo, Puje Tumhe Mayi,
Usne Dayamayi Maa, Teri Kripa Payi.

Jai Katyayani Mata.

Hum Ati Deen Dukhi Hai, Kripa Jara Kariye,
Hain Maa Dosh Bahut Par, Aap Na Dhyaan Dariye.

Jai Katyayani Mata.

Hey Katyayani Maiyya, Aarti Teri Gaate,
Na Dhan Chahe Na Sona, Pyaar Tera Chahte.

Jai Katyayani Mata.
Jai Katyayani Mata, Jai Katyayani Mata,
Sukh Srishti Mein Paaye, Jo Tumko Dhyaata.

Jai Katyayani Mata.