Sai Chalisa
pahale saee ke charanon mein,
apana sheesh namaoon main,
kaise shiradee saee aae,
saara haal sunaoon main.
kaun hai maata, pita kaun hai,
yah na kisee ne bhee jaana,
kahaan janm saee ne dhaara,
prashrn pahelee raha bana.
koee kahe ayodhya ke,
ye raamachandr bhagavaan hain,
koee kahata saee baaba,
pavan putr hanumaan hain.
koee kahata mangal moorti,
shree gajaanand hain saee,
koee kahata gokul mohan,
devakee nandan hain saee.
shankar samajhe bhakat kaee to,
baaba ko bhajate rahate,
koee kah avataar datt ka,
pooja saee kee karate.
koee bhee maano unako tum,
par saee hain sachche bhagavaan,
bade dayaalu deenabandhu,
kitanon ko diya jeevan daan.
kaee varsh pahale kee ghatana,
tumhen sunaoonga main baat,
kisee bhaagyashaalee kee,
shiradee mein aaee thee baaraat.
aaya saath usee ke tha,
baalak ek bahut sundar,
aaya, aakar vaheen bas gaya,
paavan shiradee kiya nagar.
kaee dinon tak bhatakata,
bhiksha maang usane dar-dar,
aur dikhaee aisee leela,
jag mein jo ho gaee amar.
jaise – jaise umar badhee,
badhatee hee vaise gaee shaan,
ghar-ghar hone laga nagar mein,
saee baaba ka gunagaan.
dig digant mein laga goonjane,
phir to saee jee ka naam,
deen – dukhee kee raksha karana,
yahee raha baaba ka kaam.
baaba ke charanon mein jaakar,
jo kahata main hoon nirdhan,
daya usee par hotee unakee,
khul jaate dukh ke bandhan.
kabhee kisee ne maangee bhiksha,
do baaba mujhako santaan,
evamastu tab kahakar saee,
dete the usako varadaan.
svayan dukhee baaba ho jaate,
deen – dukheejan ka lakh haal,
ant:karan shree saee ka,
saagar jaisa raha vishaal.
bhakat ek madraasee aaya,
ghar ka bahut bada dhanavaan,
maal khajaana behad usaka,
keval nahin rahee santaan.
laga manaane saeenaath ko,
baaba mujh par daya karo,
jhanjha se jhankrt naiya ko,
tumheen meree paar karo.
kuladeepak ke bina andhera,
chhaaya hua ghar mein mere,
isalie aaya hoon baaba,
hokar sharanaagat tere.
kuladeepak ke abhaav mein,
vyarth hai daulat kee maaya,
aaj bhikhaaree banakar baaba,
sharan tumhaaree main aaya.
de-do mujhako putr-daan,
main rnee rahoonga jeevan bhar,
aur kisee kee aasha na mujhako,
sirph bharosa hai tum par.
anunay – vinay bahut kee usane,
charanon mein dhar ke sheesh,
tab prasann hokar baaba ne,
diya bhakat ko yah aasheesh.
alla bhala karega tera,
putr janm ho tere ghar,
krpa rahegee tujh par usakee,
aur tere us baalak par.
ab tak nahin kisee ne paaya,
saee kee krpa ka paar,
putr ratn de madraasee ko,
dhany kiya usaka sansaar.
tan-man se jo bhaje usee ka,
jag mein hota hai uddhaar,
saanch ko aanch nahin hain koee,
sada jhooth kee hotee haar.
main hoon sada sahaare usake,
sada rahoonga usaka daas,
saee jaisa prabhu mila hai,
itanee hee kam hai kya aas.
mera bhee din tha ek aisa,
milatee nahin mujhe rotee,
tan par kapada door raha tha,
shesh rahee nanheen see langotee.
sarita sanmukh hone par bhee,
main pyaasa ka pyaasa tha,
durdin mera mere oopar,
daavaagnee barasaata tha.
dharatee ke atirikt jagat mein,
mera kuchh avalamb na tha,
bana bhikhaaree main duniya mein,
dar-dar thokar khaata tha.
aise mein ek mitr mila jo,
param bhakat saee ka tha,
janjaalon se mukat magar,
jagat mein vah bhee mujhasa tha.
baaba ke darshan kee khaatir,
mil donon ne kiya vichaar,
saee jaise daya moorti ke,
darshan ko ho gae taiyaar.
paavan shiradee nagar mein jaakar,
dekh matavaalee moorti,
dhany janm ho gaya ki hamane,
jab dekhee saee kee soorati.
jab se kie hain darshan hamane,
dukh saara kaaphoor ho gaya,
sankat saare mite aur,
vipadaon ka ant ho gaya.
maan aur sammaan mila,
bhiksha mein hamako baaba se,
pratibimbit ho uthe jagat mein,
ham saee kee aabha se.
baaba ne sanmaan diya hai,
maan diya is jeevan mein,
isaka hee sambal le main,
hasanta jaoonga jeevan mein.
saee kee leela ka mere,
man par aisa asar hua,
lagata jagatee ke kan-kan mein,
jaise ho vah bhara hua.
kaasheeraam baaba ka bhakt,
shiradee mein rahata tha,
main saee ka saee mera,
vah duniya se kahata tha.
seekar svayan vastr bechata,
graam – nagar baajaaron mein,
jhankrt usakee hrday tantree thee,
saee kee jhankaaron mein.
stabdh nisha thee, the soe,
rajanee aanchal mein chaand sitaare,
nahin soojhata raha haath ko,
haath timir ke maare.
vastr bechakar laut raha tha,
haay haat se kaashee,
vichitr bada sanyog ki us din,
aata tha ekaakee.
gher raah mein khade ho gae,
use kutil anyaayee,
maaro kaato looto isakee hee,
dhvani padee sunaee.
loot peetakar use vahaan se,
kutil gae champat ho,
aaghaaton mein marmaahat ho,
usane dee sangya kho.
bahut der tak pada rah vah,
vaheen usee haalat mein,
jaane kab kuchh hosh ho utha,
vaheen usakee palak mein.
anajaane hee usake munh se,
nikal pada tha saee,
jisakee pratidhvani shiradee mein,
baaba ko padee sunaee.
kshubdh ho utha maanas unaka,
baaba gae vikal ho,
lagata jaise ghatana saaree,
ghatee unheen ke sanmukh ho.
unmaadee se idhar – udhar tab,
baaba lege bhatakane,
sanmukh cheejen jo bhee aaee,
unako lagane patakane.
aur dhadhakate angaaron mein,
baaba ne apana kar daala,
hue sashankit sabhee vahaan,
lakh taandavanrty niraala.
samajh gae sab log,
ki koee bhakat pada sankat mein,
kshubhit khade the sabhee vahaan,
par pade hue vismay mein.
use bachaane kee hee khaatir,
baaba aaj vikal hai,
usakee hee peeda se peedit,
unakee ant:sthal hai.
itane mein hee vividh ne apanee,
vichitrata dikhalaee,
lakh kar jisako janata kee,
shraddha sarita laharaee.
lekar sangyaaheen bhakat ko,
gaadee ek vahaan aaee,
sanmukh apane dekh bhakat ko,
saee kee aankhe bhar aa.
shaant, dheer, gambheer, sindhu-sa,
baaba ka ant:sthal,
aaj na jaane kyon rah-rahakar,
ho jaata tha chanchal.
aaj daya kee moorti svayan tha,
bana hua upachaaree,
aur bhakat ke lie aaj tha,
dev bana pratihaaree.
aaj bhakat kee visham pareeksha mein,
saphal hua tha kaashee,
usake hee darshan kee khaatir the,
umade nagar-nivaasee.
jab bhee aur jahaan bhee koee,
bhakat pade sankat mein,
usakee raksha karane baaba,
aate hain palabhar mein.
yug-yug ka hai saty yah,
nahin koee naee kahaanee,
aapadgrast bhakat jab hota,
jaate khud anrtayaamee.
bhedabhaav se pare pujaaree,
maanavata ke the saee,
jitane pyaare hindoo-muslim,
utane hee the sikkh eesaee.
bhed-bhaav mandir-misjad ka,
tod-phod baaba ne daala,
raah raheem sabhee unake the,
krshn kareem allaataala.
ghante kee pratidhvani se goonja,
masjid ka kona-kona,
mile paraspar hindoo – muslim,
pyaar badha din – din doona.
chamatkaar tha kitana sundar,
parichay is kaaya ne dee,
aur neem kaduvaahat mein bhee,
mithaas baaba ne bhar dee.
sab ko sneh diya saee ne,
sabako santul pyaar kiya,
jo kuchh jisane bhee chaaha,
baaba ne usako vahee diya.
aise snehasheel bhaajan ka,
naam sada jo japa kare,
parvat jaisa dukh na kyon ho,
palabhar mein vah door tare.
saee jaisa daata hamane,
are nahin dekha koee,
jisake keval darshan se hee,
saaree vipada door gaee.
tan mein saee, man mein saee,
saee-saee bhaja karo,
apane tan kee sudhi – budhi khokar,
sudhi usakee tum kiya karo.
jab too apanee sudhi taj,
baaba kee sudhi kiya karega,
aur raat-din baaba-baaba,
hee too rata karega.
to baaba ko are! vivash ho,
sudhi teree lenee hee hogee,
teree har ichchha baaba ko,
pooree hee karanee hogee.
jangal, jangal bhatak na paagal,
aur dhoodhane baaba ko,
ek jagah keval shiradee mein,
too paega baaba ko.
dhany jagat mein praanee hai vah,
jisane baaba ko paaya,
dukh mein, sukh mein prahar aath ho,
saee ka hee gun gaaya.
gire sankaton ke parvat,
chaahe bijalee hee toot pade,
saee ka le naam sada tum,
sanmukh sabake raho ade.
is boodhe kee sun karaamat,
tum ho jaoge hairaan,
dang rah gae sunakar jisako,
jaane kitane chatur sujaan.
ek baar shiradee mein saadhu,
dhongee tha koee aaya,
bholee – bhaalee nagar-nivaasee,
janata ko tha bharamaaya.
jadee-bootiyaan unhen dikhaakar,
karane laga vah bhaashan,
kahane laga suno shrotaagan,
ghar mera hai vrndaavan.
aushadhi mere paas ek hai,
aur ajab isamen shakti,
isake sevan karane se hee,
ho jaatee dukh se mukti.
agar mukat hona chaaho,
tum sankat se beemaaree se,
to hai mera namr nivedan,
har nar se, har naaree se.
lo khareed tum isako,
isakee sevan vidhiyaan hain nyaaree,
yadyapi tuchchh vastu hai yah,
gun usake hain ati bhaaree.
jo hai santati heen yahaan yadi,
meree aushadhi ko khae,
putr – ratn ho praapt,
are vah munh maanga phal pae.
aushadhi meree jo na khareede,
jeevan bhar pachhataega,
mujh jaisa praanee shaayad hee,
are yahaan aa paega.
duniya do dinon ka mela hai,
mauj shauk tum bhee kar lo,
agar isase milata hai, sab kuchh,
tum bhee isako le lo.
hairaanee badhatee janata kee,
dekh isakee kaarastaanee,
pramudit vah bhee man hee man tha,
dekh logon kee naadaanee.
khabar sunaane baaba ko yah,
gaya daudakar sevak ek,
sunakar bhrkutee tanee aur,
vismaran ho gaya sabhee vivek.
hukm diya sevak ko,
satvar pakad dusht ko lao,
ya shiradee kee seema se,
kapatee ko door bhagao.
mere rahate bholee – bhaalee,
shiradee kee janata ko,
kaun neech aisa jo,
saahas karata hai chhalane ko.
palabhar mein aise dhongee,
kapatee neech lutere ko,
mahaanaash ke mahaagart mein pahunchana,
doon jeevan bhar ko.
tanik mila aabhaas madaaree,
kroor, kutil anyaayee ko,
kaal naachata hai ab sir par,
gussa aaya saee ko.
palabhar mein sab khel band kar,
bhaaga sir par rakhakar pair,
soch raha tha man hee man,
bhagavaan nahin hai ab khair.
sach hai saee jaisa daanee,
mil na sakega jag mein,
ansh eesh ka saee baaba,
unhen na kuchh bhee mushkil jag mein.
sneh, sheel, saujany aadi ka,
aabhooshan dhaaran kar,
badhata is duniya mein jo bhee,
maanav seva ke path par.
vahee jeet leta hai jagat ke,
jan jan ka ant:sthal,
usakee ek udaasee hee,
jag ko kar detee hai vihval.
jab-jab jag mein bhaar paap ka,
badh – badh hee jaata hai,
use mitaane kee hee khaatir,
avataaree hee aata hai.
paap aur anyaay sabhee kuchh,
is jagatee ka har ke,
door bhaga deta duniya ke,
daanav ko kshan bhar ke.
aise hee avataaree saeen,
mrtyulok mein aakar,
samata ka yah paath padhaaya,
sabako apana aap mitaakar.
naam dvaaraka masjid ka,
rakha shiradee mein saee ne,
daap, taap, santaap mitaaya,
jo kuchh aaya saee ne.
sada yaad mein mast raam kee,
baithe rahate the saee,
pahar aath hee raam naam ko,
bhajate rahate the saee.
sookhee – rookhee taajee baasee,
chaahe ya hove pakavaan,
sauda pyaar ke bhookhe saee kee,
khaatir the sabhee samaan.
sneh aur shraddha se apanee,
jan jo kuchh de jaate the,
bade chaav se us bhojan ko,
baaba paavan karate the.
kabhee-kabhee man bahalaane ko,
baaba baag mein jaate the,
pramudit man mein nirakh prakrti,
aanandit ve ho jaate the.
rang-birange pushp baag ke,
mand – mand hil – dul karake,
beehad veeraane man mein bhee,
sneh salil bhar jaate the.
aisee sumadhur bela mein bhee,
dukh aapaat, vipada ke maare,
apane man kee vyatha sunaane,
jan rahate baaba ko ghere.
sunakar jinakee karoonakatha ko,
nayan kamal bhar aate the,
de vibhooti har vyatha, shaanti,
unake ur mein bhar dete the.
jaane kya adbhut shakti,
us vibhooti mein hotee thee,
jo dhaaran karate mastak par,
dukh saara har letee thee.
dhany manuj ve saakshaat darshan,
jo baaba saee ke pae,
dhany kamal kar unake jinase,
charan-kamal ve parasae.
kaash nirbhay tumako bhee,
saakshaat saee mil jaata,
varshon se ujada chaman apana,
phir se aaj khil jaata.
gar pakadata main charan shree ke,
nahin chhodata umrabhar,
mana leta main jaroor unako,
gar roothate saee mujh par.