Ekadashi Mata Ki Aarti

Om Jai Ekadashi, Jai Ekadashi, Jai Ekadashi Mata.
Vishnu Pooja Vrat Ko Dharan Kar, Shakti Mukti Pata ॥
Om Jai Ekadashi… ॥
Tere Naam Ginaoon Devi, Bhakti Pradan Karni.
Gan Gaurav Ki Deni Mata, Shastron Mein Varni ॥
Om Jai Ekadashi… ॥

Margashirsh Ke Krshnapaksh Ki Utpanna, Vishwatarani Janmi.
Shukl Paksh Mein Hui Mokshada, Muktidata Ban Aai ॥
Om Jai Ekadashi… ॥

Paush Ke Krshnapaksh Ki, Saphla Namak Hai.
Shuklapaksh Mein Hoy Putrada, Anand Adhik Rahai ॥
Om Jai Ekadashi… ॥

Naam Shatatila Magh Maas Mein, Krshnapaksh Avai.
Shuklapaksh Mein Jaya, Kahavai, Vijay Sada Pavai ॥
Om Jai Ekadashi… ॥

Vijaya Phagun Krshnapaksh Mein Shukla Amalaki.
Papmochani Krshn Paksh Mein, Chaitr Mahabali Ki ॥
Om Jai Ekadashi… ॥

Chaitr Shukl Mein Naam Kamada, Dhan Dene Wali.
Naam Baruthini Krshnapaksh Mein, Vaisakh Maah Wali ॥
Om Jai Ekadashi… ॥

Shukl Paksh Mein Hoy Mohini Apara Jyeshth Krshnapakshi.
Naam Nirjala Sab Sukh Karani, Shuklapaksh Rakhi ॥
Om Jai Ekadashi… ॥

Yogini Naam Aashadh Mein Janon, Krshnapaksh Karani.
Devashayani Naam Kahayo, Shuklapaksh Dharani ॥
Om Jai Ekadashi… ॥

Kamika Shravan Maas Mein Aavai, Krshnapaksh Kahie.
Shravan Shukla Hoy Pavitra Anand Se Rahie ॥
Om Jai Ekadashi… ॥

Aja Bhadrapad Krshnapaksh Ki, Parivartini Shukla.
Indra Ashchin Krshnapaksh Mein, Vrat Se Bhavasagar Nikala ॥
Om Jai Ekadashi… ॥

Papankusha Hai Shukl Paksh Mein, Aap Haranahari.
Rama Maas Kartik Mein Aavai, Sukhadayak Bhari ॥
Om Jai Ekadashi… ॥

Devotthani Shuklapaksh Ki, Dukhanashak Maiya.
Pavan Maas Mein Karoon Vinati Paar Karo Naiya ॥
Om Jai Ekadashi… ॥

Parama Krshnapaksh Mein Hoti, Jan Mangal Karani.
Shukl Maas Mein Hoy Padmini Dukh Daridr Harani ॥
Om Jai Ekadashi… ॥

Jo Koi Aarti Ekadashi Ki, Bhakti Sahit Gavai.
Jan Guradita Swarg Ka Vasa, Nishchay Vah Pavai ॥
Om Jai Ekadashi… ॥